અમને કોની રે સગાયું આજ સાંભરે ? Amane Koni Sagayu Sambhare



ગીત – દલપત પઢિયાર
સ્વર – અમર ભટ્ટ
સંગ્રહ – સ્વરાભિષેક






અમને કોની રે સગાયું આજ સાંભરે ?
ઊંડે તળિયાં તૂટે ને સમદર ઊમટે….
                  કોની રે સગાયું આજ સાંભરે ?





કોઇ પાળ્યું રે બંધાવો ઘાટે ઘોડા દોડાવો,
આઘે લ્હેર્યુંને આંબી કોણ ઊઘડે……
                  કોની રે સગાયું આજ સાંભરે ?





આજે ખોંખારા ઊગે રે સૂની શેરીએ,
ચલમ-તણખા ઊડે રે જૂની ધૂણીએ,
અમને દાદા દેખાય પેલી ડેલીએ…..
                  કોની રે સગાયું આજ સાંભરે ?





માડી વાતું રે વાવે આ ઉજ્જ્ડ ઓટલે,
ખરતાં હાલરડાં ઝૂરે રે અદ્ધર ટોડલે,
ઊંચે મોભને મારગ કોણ ઊતરે…..
                  કોની રે સગાયું આજ સાંભરે ?



કોઇ કૂવા રે ગોડાવો કાંઠે બાગો રોપાવો,
આછા ઓરડિયા લીંપાવો ઝીણી ખાજલિયું પડાવો;
આજે પરસાળ્યું ઢાળી સૌને પીંખીએ….
                  અમને સાચી રે સગાયું પાછી સાં
ભરે

Post a Comment

Required fields are marked *

*
*

%d bloggers like this: